زوجي غريب!!..الجزء الثالث (قصص رعب) (قصص رعب مخيفة) | story4u

زوجي غريب!....الجزء الثالث.

 (روايات و قصص رعب).

-الفقرة الأولي(داخل الكابوس):

لما أنا كنت عند باب الشقة،سمعت صوت واحدة بتضحك جوه الشقة😨😨،أنا كنت فاكرة ان دي هلاوس ذي اللي حصل في الأيام اللي فاتت(في  الجزء الثاني)وكنت بردو في نفس الوقت قلقانة وخايفة انه ممكن متكونش دي هلاوس،ففتحت الباب بسرعة😓😓،وسمعت ان الصوت بدأ يرتفع وجاي من عند الأوضة،فبدأت أمشي ببطء عشان محدش يحس اني موجودة وبدأت أقرب أكتر وأكتر من باب الأوضة لحد ما وصلت للباب وحطيت وداني علي الباب لقيت مرة واحدة كريم فتح الباب وبيبصلي كده وبيقول في ايه ياجيهان،انت بتعملي كده ليه😒😒؟؟

رحت قلت:مين اللي كنت بتكلمها دلوقتي أنا متأكده ميه في الميه ان فيه واحدة هنا مين اللي كنت معاها؟؟

ومرة واحدة دخلت الأوضة وبدأت أفتش في كل مكان لو فيه أي واحدة مستخبية،وفضلت أدور وأنا بقول بصوت عالي مين اللي كنت معاها،وكريم بيقول يا سيتّي قولتلك مليار مرة مفيش واجدة بكلمها،وفضلت أدور وأدور لحد ما قلبت الأوضة كلها وملقتش أي حاجة أو أي أثر لواحدة،فبصلّي كريم وبيقولّي:انت باين عليكي انك اتجننتي،وأثناء ما هو عمّال يهزقني لقيت نقطة ماء وقعت علي وشّي،فبصيت لفوق لقيت  نقط مياه متجمعة في مكان واحد وعمّاله تنقط،الموضوع ده مشدنيش جامد أوي ولا اهتميت بيه أوي وكبّرت دماغي،المهم في الأخير جوزي عاقبني انّي أنام بره في الصالة،وبالليل وأنا نايمة كل شوية عمّأل أسمع صوت ضحك وهزار جاي من الأوضة،وأثناء الضحك والكلام ده اتقطعت الكهربا،وأوّل ما اتقطعت الكهرباء،اتوقف الضحك والصوت اللي جاي من الأوضة،وأنا امش شايفة أي حاجة خالص،وفجأة اتفتح باب الأوضة اللي كان فيها كريم وسمعت حد بيجري بسرعة جدا،ساعتها أنا جريت للصالة و حسيت فعلا انه فيه حد بيجري ورايا😰😰،وأثناء ما أنا بجري وقعت عالأرض عشان أنا اتخبط بالتربيزة في ركبتي خبطة جامدة،أول ما وقعت صوت الجري وقف علي الأساس انه كان بيجري ورايا وعرف انه يمسكني ويقفشني،أنا لحسن الحظ كان تليفوني محطوط علي الترابيزة فحاولت انّي أمسكه فلقيت مرة واحدة صوت بنت بتقول بصوت مرعب جدا:كريم ده بتاعي بس😠😡.

سمعت الصوت من هنا😱😱 وشعري بدأ يقشعر تماما من الصوت،أنا اتخضّيت جامد أو لدرجة أني كنت سابته مكاني للحظات،بعديها  مسكت التليفون بسرعة جدا،ومكنتش عارفه أشغّل الفلاش من كتر الخوف و العرق اللي كان في ايدي،المهم شغلت الفلاش وملقتش أي حد خالص موجود ف الأوضة،بعديها أنا وقفت وفضلت أبص حوليا ملقتش أي حد خالص وأنا عمّاله أنادي علي كريم عشان يجي يشوف اللي بيحصل بالظبط لكنه مش بيرد عليا خالص،وأنا واقفة مش عارفه أعمّل ايه لقيت نقط ميه بتقع علي وشي فبصيت لفوق لقيت آثار أقدام علي السقف،بدأت أتتبع الآثار دي،وأنا عمّاله أشوف الآثار دي جسمي بيقشعر بدنيا وخوف بيزيد أكتر وأكتر،فضلت أتتبع خطوات لحد ما لقيت الآثار دي وقفت عند الحيطة،ولقيت الاثار دي علي الحيطة لقيت مالقيتها وقفت عند المرايا،جيت أبص في المرايا ملقتش أي حاجة جيت أبص تاني للمرايا لقيت واحدة وقفة في المرايا و بتقولي بصوت عالي جدا:كريم ليا أنا وحدي ابعدي عنه😡😡!!!!!

ومرة واحدة دخلت جسمي فوقعت مرة واحدة علي الأرض وبدأت أصرخ بصوت عالي جدا انت عايزة مني ايه!!!!ابعدي عني!! ،فجأة فتحت عيني لقيت نفسي في الصالة وكريم بيقولّي:في ايه😨😨....ايه اللي حصل؟؟

قلتله بصوت عالي جدا:انا اللي مفروض أسألك فيه ايه😰؟؟؟؟

ايه اللي حصل؟؟؟

كريم:أنا كنت نايم في الأوضة فسمعتك عمّاله  تقولي بصريخ انت عايزة مني ايه،ابعدي عني....وبدأتي تصرخي،ايه اللي حصل؟

جيهان:مفيش ده كان كابوس بس مش أكتر😓😓.

-الفقرة الثانية(الجنون):

وفضل يحصلّي كوابيس كل يوم،وكل يوم بشوف البنت دي هي بتقولّي كريم دا بتاعي،ابعدي عن كريم فاهمة،و كريم ده حبيبي...وهكذا،وأنا كل يوم بعاني فالموضوع ده،كريم كل يوم بيقوم علي صراخي وأنا نايمة،كريم بدأ يقلق عليا فجاب شيوخ عشان يسترقوني وكل حاجة كانت بتمر كويس ومفيش أي مشكلة خالص،وبعد الكلام اللي حصل ده بردو كنت بحلم بالكوابيس وبنفس الموضوع،لحد ما وصل لدرجة ان كريم افتكر انّي بقيت مجنونة،وفي يوم من الأيام وأنا قاعد ف الصالة لوحدي لقيت في ناس دخلوا الشقة وكان كريم معاهم،وقاموا شالوني وأنا عمّاله أقول لكريم فيه ايه يا كريم؟؟؟😰😰😰ايه اللي بيحصل يا كريم؟؟؟.....الحقني يا كريم!!!!

ولكن كريم معملّيش أي حاجة،وفي الأخير أكتشفت انهم ودّوني لمستشفي المجانين،وطلع ان كريم جاب الناس دي عشان توديني للمستشفي بالغصب،بعد ما وصلت لمستشفي المجانين،دخلوني لأوضة صغيرة مفيهاش حد وأنا عمّالة أقول بعياط: ايه اللي بيحصل هنا؟؟😢😢يا كريم...الحقني..أنا مش مجنونة😭😭.

راح كريم جه ليا وقالّي:أنا آسف يا جيهان😔😔 لكنها خلتني أعمل كده وأنا مكنتش عايز أعمل هي كانت عايزه أموتك💀💀👿👿 بدل من انّي أوديكي لمستشفي المجانين،لكنّي كنت هزعل عليكي بجد😂😂،مع السلامة😈😈.

أنا طبعا مصدقتش الكلام ده وبدأت أقول لكريم،يا كريم بلاش هزار دلوقتي ألحقني يا كريم طلّعني من هنا😭😭

كريم:أنا آسف😞لكنّ هزاري دايما بيكون رخم😈😈.

ومشي كريم وأنا عمّاله أناديله وهو ولا بيعبرني وماشي وهو بيضحك،وسمعته بيقول للدكتور انها مجنونة جامد ومن المستحيل انها تتشفي😭😭بس حاول اللي انت تعمل المستحيل،أنا ازاي هعيش من غيرها😢😈.

-الفقرة الثالثة(الحقيقة):

أنا قعدت وأنا مصدومة من اللي بيحصل،وبقول لنفسي أكيد ده كابوس ذي اللي بيحصل معايا كل يوم،فضلت أقنع نفسي ان ده كابوس وأنا عارفة من جوايا ان ده مش كابوس اطلاقا،أنا قعدت أعيط طول الليل وأنا عمّاله أقول لنفسي ايه اللي بيحصل فيا ده😭😭،وفي لحظة حسيت انّي عايزه أنام فنمت من كتر العياط و الجهد العصبي،وأثناء ما أنا نايمة حلمت بنفس الكابوس،وحلمت بنفس البنت المرعبة دي للمرة التانية،المرة دي حاولت انّي استجمع شجاعتي وأواجها وأتكلم معاها و أشوف هي حكايتها ايه بالظبط،في الحلم حلمت لمّا أنا كان النور قطع وأنا قابلتها أول مرة،وساعتها حاولت أروح ليها،ولكن كل ما أقربها تبعد عنّي،لحد ما أختفت،رحت قولت:تعالي يا جبانة😒.....انت خايفة مني😂.
مرة واحدة بصيت ورايا لقيتها راحت ماسكة رقبتي وحاولت تخنقني وهي بتقولّي: انت قولتي ايه😡😡.
أنا:أيوة انت جبانة عشان انت مش عايزة تقولّي حكايتك عشان انت خايفة مني😏.
راحت ضحكت عليا وقالت خايفة؟وهي بتضحك،وبعديها اختفت تاني،وانتهي الحلم وصحيت وملحقتش أعرف حاجة،وعدت الأيام وأنا كل يوم بحاول انّي  أكلمها و استفزّها انها تحكيلي،ولكنها مقلتش أي حاجة خالص،وفي حلم من الأحلام حلمت اني في البيت بتاعي القديم،وكنت ماسكة التليفون ومشغلة الفلاش،فبصيت حواليا،فلقيت آثار أقدام رايحة للحمام،فتتبعت الخطوات لحد الحمام،وبعدها مسكت نفسي جامد جدا،ودخلت الحمام،بعد ما دخلت التليفون فصل شحن وقفل،ومبقاش فيه أي ضوء،و مكنتش شايفه أي حاجة اطلاقا،وبعديها بدأت أشوف لمّا أنا قابلته أول مرة،وكمان لما أحنا كنّا بنخرج وكنت بلاحظ في كل مرة أكون انا وكريم مع بعضينا ان فيه واحدة كانت بتبص لينا دايما،وهي مستخبّية وكانت موجودة في كل المرات اللي كنت ساعتها مع كريم حتي في يوم جوازنا،وبعديها شوفت كريم كان مروّح البيت مرة واحدة حس بالدوخة و بدأ يصرخ وبعديها سكت وكمّل مشي وهو بيضحك بصوت عالي،وشوفت بعديها كريم لما كان ف الأوضة أثناء الضحك و اتصدمت انّي لما أنا كنت بدخل الأوضة كانت بتبقي قاعدة عالسرير وأنا مكنتش شايفاها خالص،وانّي مكنتش بهلوّس فعلا،وانما كان ده حقيقي،المهم بعد ما شوفت كل ده،اشتغل النور وكانت نفس البنت قدّامي فسألتها:انت مين؟؟😨
فقالت بصوت عالي: أنا مين؟؟؟أنا كنت شابّة عادية،حياتي كانت عادية،وأنا كنت في الجامعة،حبيت كريم أوي ،وفضلت أعشقه سنيين كتيرة لكنهمكنش مهتم انه يبص ليا أو حتي يعبّرني،وفي مرة ققرت ان أنا أقولّه انّي بحبه،لكنه صدمني وقالّي انه مش بيحبني وقالّي كمان انه بيعتبرني أخته مش أقل أو أكتر،رجعت بيتي ساعتها وأنا منهارة تماما وبعيط جامد أوي،وفي مرة شوفتك انت وهو بتتكلموا وبعديها بدأتوا تحبوا بعض وأنا كنت بكره كده ومكنتش عايزة حد يحب كريم غيري،وفي اليوم اللي انتم اتجوزتوا فيه أنا كنت متألمة و زعلانة جدا وبعيط،وقررت أروح البيت وأنا خسرانه حبّي الوحيد،وأثناء ما كنت راجعة عملت حادثة بالعربية ومت في الحادثة،ولكنّي قررت انّي أفضل أتابعك و أخليكي تتعذبي ف حياتك،وتندمي علي اليوم اللي انت فكرتي انك تحبي كريم،ومن ساعتها وأنا بخليكي تعيشي في وهم،وأخلي كريم يقع في حبّي أنا و يكرهك انتي......يتبع😁😁

وشكرا لكم